Igualdade desenvolverá un taller de defensa persoal con perspectiva de xénero
A área de Igualdade do Concello de Curtis, desde o Centro de Información á Muller, convoca un taller de defensa persoal, organizado como un curso de prevención e manexeo de situacións de risco con enfoque de xénero.
Nesta acción ensinaranse técnicas de autoprotección e traballaranse:
- Técnicas de prevención a agresións e agarres.
- A resolución de agarres.
- A resolución tento de agresión no chan.
- A resolución de intento de golpeos con brazos e puños.
Os monitores serán Antonio Gómez, presidente da Escola de Artes Marciais Betanzos, que se encargará das clases que se impartirán do 22 de abril ao 29 de maio, os luns e mércores, de 18.25 h. a 19.30 h; e Cristina Alvárez, campiona do mundo e tres veces campiona de Europa, que impartirá unha clase especial o sábado, 25 de maio.
As clases, que se ofrecerán por grupos de idades, desenvolveranse no Salón de Actos do Recinto Feiral de Curtis.
Máis Información e inscrición: CIM Curtis
- Telf. 981 789 003 ext:2031 / 981 789 121
- email: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.