O Concello de Curtis asina un convenio para que Aranga use as instalacións do Punto Limpo
O alcalde de Curtis, Javier Caínzos, asinou un convenio co rexedor de Aranga. Alberto Platas, para que a veciñanza do municipio limítrofe poidan utilizar as instalacións do Punto Limpo situado no Polígono Industrial de Teixeiro.
Este convenio é un exemplo da colaboración institucional que vén prestando Curtis con outros concellos para ampliar a prestación de servizos a outros veciños da comarca.
O acordo nace da necesidade de optimizar os recursos públicos que oferta o Concello curtiense xa que ten capacidade para atender a maior número de poboación. Neste caso, o Punto Limpo pode ser aproveitado por máis municipios co consecuente aforro na recollida e transporte dos residuos sólidos a Cerceda ou outras plantas de tratamento.