Acto de irmandade do Concello de Curtis en Italia
- Hoxe asinarase o protocolo con alcaldes de Bulgaria, Italia, Eslovaquia, Letonia e Malta.
- O obxectivo do proxecto é establecer unha asociación sólida e duradeira, co fin de crear unha rede de colaboración e intercambio de experiencias
O Concello de Curtis participa no ‘Pacto de irmandade’, que se asinará hoxe en Furci Siculo en colaboración con municipios de Bulgaria, Eslovaquia, Letonia e Malta.
A iniciativa presentouse onte na cámara do consello de Furci en presenza do alcalde de Curtis, Javier Cainzos, o rexedor de Furci Siculo, Matteo Francilia, os concelleiros Giovanni Catania e Rosanna Garufi e os primeiros cidadáns Elina Stapulone (Municipio de Prirkuli, Letonia); Ivan Ivanov (Letnitsa, Bulgaria); Jorge Grech (Zabbar, Malta); e Občianske Združeni (Milvus, Eslovaquia).
Na comitiva curtiense tamén estaban as concelleiras de Deportes, Carmen Cernadas, a de Servizos Sociais, Marta Barreiro, e unha técnica.
O Concello de Furci Siculo, recibiu a aprobación da Axencia Executiva - Eacea da Comisión Europea, do proxecto ‘Somos europeos! O noso futuro é Europa’, relacionado co programa da Unión Europea para os cidadáns.
O obxectivo do proxecto é establecer unha asociación sólida e duradeira, co fin de crear unha rede de colaboración e intercambio de experiencias que poida constituír un achegue de crecemento para fortalecer o concepto de cidadanía activa e democrática.A intención é alentar aos cidadáns a contribuír activamente á integración europea e desenvolver o diálogo intercultural, o entendemento mutuo e o apoio aos valores fundamentais europeos.
O proxecto ten como obxectivo intercambiar boas prácticas e fortalecer a cooperación entre as administracións locais e os representantes da sociedade civil, apoiando o diálogo estruturado entre os responsables políticos e os cidadáns para contribuír ao desenvolvemento social europeo, cun enfoque participativo de abaixo cara arriba.
Ademais do irmandamento, a visita incluirá un amplio plan de actividades, visitas ao territorio, seminarios e debates sobre diferentes temas.