O Concello de Curtis abre o prazo de inscrición dos campamentos “Concilia no Verán” e “Actividades Saudables” que se desenvolverán en Curtis e Teixeiro. Este ano como novidade os campamentos serán bilingües!!

Os campamentos comezarán o día 23 de xuño en horario de 8:00h a 14:00h e terán un custo de 15,51€ por asistente. 

As actividades saudables serán gratuítas (salvo as posibles excursións) e o horario será de 10:00h a 13:00h. 

Haberá prioridade para empadroados/as. 

A inscrición é obrigatoria para ambas actividades e rematará o 17 de xuño. A inscrición debe realizarse na oficina municipal de Curtis ou na Casa do Concello en Teixiero. Tamén se pode descargar a folla de inscripción e rexistrala telemáticamente. 

FOLLA DE INSCRICIÓN: 

TRIPTICO_VERÁN_E_SAUDABLES_7_copy.pdf

O 10 de xullo, os 11 quilómetros que separan Curtis e Teixeiro converteranse nun símbolo do esforzo na loita contra o cancro ao ser esta a distancia que percorrerán as decenas de atletas que participarán na III Carreira e Andaina Solidaria que organiza o Concello de Curtis e a Federación Galega de Atletismo e na que colabora a Asociación de Axuda contra o Cancro.

A iniciativa foi presentada na Praza de España en Teixeiro polo alcalde de Curtis, Javier
Caínzos, acompañado do presidente da Federación Galega de Atletismo, Isidoro Hornillos, a
coordinadora de xuntas locais da Asociación de Loita contra o Cancro de A Coruña, Rocío
García, e a presidenta e membras da xunta local Curtis-Teixeiro desta mesma asociación. Así
como as concelleiras de Cultura, Igualdade e Educación, Eva Lata a concelleira de Servizos
Sociais, Marta Barreiro.

Durante a presentación, animouse á participación nesta iniciativa, pensada para visualizar o
camiño que aínda queda por andar na loita contra esta enfermidade e para que participen
persoas de todas as idades, adultos na carreira e na andaina, pero tamén nenos, que poderán
inscribirse na andaina. Ademais tamén se pretende fomentar os hábitos de vida saudable.

A saída da carreira será ás 10:30 horas e ás 10:35 h a da andaina, ambas dende o polideportivo municipal de Curtis. A meta estará na Praza de España, en Teixeiro.

O prazo de inscrición, que se pechará o día 6 de xullo, está xa aberto na páxina da Federación
Galega de Atletismo na seguinte ligazón: https://cutt.ly/VJIxi4E