INICIO DO CURSO DE PREPARACIÓN DO GRADUADO EN EDUCACIÓN SECUNDARIA
Onte día 24 de marzo comenzou o curso de preparación do Graduado en Educación Secundaria organizado pola área de Orientación Laboral do Concello de Curtis cun total de vinte alumnos e alumnas matriculados procedentes maioritariamente do Concello de Curtis, pero tamén dos Concellos de Sobrado, Vilasantar, Cesuras e Melide.
O curso realízase de luns a venres en horario de 20.00 a 22.00 horas ata o día 22 de maio posto que os asistentes presentaranse á proba do día 23 do mesmo mes convocada pola Consellería de Cultura, Educación e Ordenación Universitaria.