banner web pre narr xIII

O Concello de Curtis aposta polo comercio local e a gastronomía ao ampliar a 3 días a celebración do Entroido

  • O programa de actividades, do 11 ao 13 de febreiro, inclúe a 'Ruta DesTAPAte de Sabores de Entroido' en bares e restaurantes de Curtis e Teixeiro.
  • Mantén os 1.800 euros en premios no popular Concurso de Disfraces como vales de compra para establecementos do municipio.

Cartel EntroidoO Concello de Curtis amplía este ano a tres días as actividades programadas para a celebración do Entroido 2018 para potenciar a parte gastronómica desta festa de maneira que, á xa popular festa e concurso de disfraces que se organizará o día grande, 13 de febreiro, festivo local, sumarase unha ruta de tapas o domingo, 11, e talleres de cociña infantil, o luns, día 12.

Este ano o que si se manterá será a aposta do Goberno municipal polo comercio local xa que os premios económicos do concurso de disfraces, tanto para os máis pequenos como para os adultos, de 1.800 euros (900 euros en Curtis e 900 en Teixeiro), serán vales de compra para establecementos do municipio.

O programa incorpora a ruta 'DesTAPAte! Sabores do Entroido do Concello de Curtis' na que máis dunha vintena de bares e restaurantes ofrecerán o domingo, 11 de febreiro, tapas, bocados e menús típicos de Entroido.

  • Consultade aquí as rutas e a súa oferta gastronómica: 
    • Ruta Curtis: pdf
    • Ruta Teixeiro:  pdf

O luns, día 12. a gastronomía manterá o protagonismo, pero neste caso para os máis pequenos, coa organización de obradoiros de cociña infantil, que se organizarán no Recinto Feiral de Curtis e en edificio Usos Múltiples de Teixeiro.

 

Aberta a inscrición para unha viaxe a estación de esquí de Pajares

esqui pajaresO departamento de Deportes do Concello de Curtis organiza unha viaxe á estación de esquí de Pajares.

  • Datas: dous días, 8 e 9 de marzo.
  • Prazas: mínimo 26, máximo 40.
  • Idades: nenos/as de Primaria e ESO a partir de 3º Primaria inclusive / 1º e 2º de Primaria, acompañados dun adulto.
  • Prezo: menores, 150 euros / adultos, 175 euros.
  • Prazo de inscripción: do 1 ao 16 de febreiro.
  • Prazo de pago: do 19 ao 21 nas dependencias municipais.

Información e inscrición: na Casa do Concello e nas dependencias municipais de Curtis.

Inclúe:

  • Traslado en autocar.
  • Aloxamento en albergue Villamanin en Media Pensión.
  • Comida en pistas.
  • 2 días de remontes con seguro en pistas
  • Alquiler de skis ou snowboard
  • 3 horas de clase diarias.

 

 

En la web www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso Mas información.