Lecer activo para a terceira idade: excursión a Pontevedra e Combarro o 20 de outubro

A área de Benestar Social e de Cultura do Concello de Curtis organiza unha excursión a Pontevedra e a Combarro para o colectivo da terceira idade o vindeiro 20 de outubro.

As persoas interesadas nesta actividade programada no marco do Programa de Lecer Activo, poden formalizar xa a súa inscrición até o día 16 de outubro na Casa do Concello en Teixeiro (Telf. 981789003) ou nas dependencias municipais de Curtis (Telf. 981777105). É imprescindible presentar o carné da terceira idade.

O número de prazas ascende a 110 e o prezo é de 12,41 euros.