O Concello elabora un proxecto de mellora da iluminacion da igrexa de Teixeiro e a súa contorna
O Concello de Curtis elabora un proxecto de mellora da iluminación da contorna da igrexa de Teixeiro, das rúas que rodean o templo e das que acceden ao cemiterio co obxectivo de executar a actuación en breve.
O Goberno local atende así as recentes peticións dos veciños, que solicitaron unha mellor iluminación da zona para maior seguridade dos viandantes, necesidades que recollerá o estudo lumínico.
De maneira provisional, o Concello instalou un proxector LED para facilitar a visibilidade nas zonas con menos luz.