Orientación Laboral organizará un curso para profesionais que desexen acreditarse como docentes

O Servizo de Orientación Laboral do Concello de Curtis organizará en xaneiro de 2018, no edificio de Usos Múltiples de Teixeiro (Curtis), un curso conducente a obtención do certificado de profesionalidade de 'Docencia para a formación profesional e o emprego', dirixido prioritariamente a persoas desempregadas menores de 30 anos.

Por que se debería realizar esta formación?

Existen profesionais de distintos sectores e ámbitos (perruqueiros/as, soldadores/as, carpinteiros/as, administrativos/as...) que adquiriron unha formación e/ou experiencia desenvolvendo o seu traballo. Estas persoas poderían transmitir os seus coñecementos e experiencias a futuros profesionais, pero na maioría dos casos descoñecen a función docente (metodoloxía e didáctica). Son profesionais, xeralmente, cun título FP ou universitario que mediante a acreditación dunha competencia docente poderían ser profesores acreditados na Formación Profesional para o Emprego.

Desta realidade xorde a necesidade de implementar unha formación que lles permita adquirir a competencia docente, tanto desde o punto de vista legal, pois así o esixe a lei, como desde o punto de vista competencial, pois así o esixe a metodoloxía europea das cualificacións.

• Programación modular da acción formativa: Aquí

Para máis información contactar:

• Servizo Orientación Laboral do Concello de Curtis. Telf.: 981789003 (Ext. 2037)