Caínzos renderá contas da xestión municipal nunha rolda de reunións informativas nos pobos e parroquias
- O alcalde curtiense comeza hoxe en Curtis, onde explicará os temas máis importantes postos en marcha e escoitará suxestións e propostas.
O alcalde de Curtis, Javier Caínzos, e os concelleiros inician hoxe unha rolda de reunións informativas cos veciños do municipio para render contas dalgúns dos temas máis importantes que desenvolve o Goberno local e para escoitar as súas suxestións e propostas.
A primeira das reunións celebrarase esta noite, ás 21.00 horas, no salón de actos do Recinto Feiral de Curtis.
Entre os temas que se abordarán, destacan:
- As modificacións da PXOM postas en marcha e como afectarán os núcleos rurais e de chan rústico, cuestións que xa se trataron en anteriores reunións.
- O plan de investimentos previsto nos orzamentos de 2018.
- A concentración parcelaria de Fisteus, á que se dará un novo impulso cun investimento de 2,8 millóns de euros de Medio Rural.
- A implantación de novas empresas no Polígono Industrial de Curtis-Teixeiro
- A campaña para que os propietarios de terreos lindeiros ás estradas os limpen de plantacións segundo as distancias fixadas pola Lei de Montes con vistas á prevención dos lumes forestais.
- A adquisición da casa de María Antonia Dans para un museo e fomentar o asociacionismo.
As próximas reunións organizaranse en:
Luns, 5 de marzo
Hora:
- 12.00 horas: Paradela. Local social
- 16.00 horas: Santaia. Local social
- 21.00 horas: Teixeiro. Edificio Usos Mútiples
Martes, 6 de marzo
Hora:
- 12.00 horas: Foxado. Local Social
- 16.00 horas: A Illana. Local Social