Aberto ata o 1 de outubro o prazo para inscribirse nun obradoiro de emprego de xardinaría
O Concello de Curtis, xunto co Concello de Sobrado e o Concello de Vilasantar, vai realizar un Obradoiro de Emprego, financiado pola Consellería de Economía, Emprego e Industria, dirixido a persoas desempregadas, inscritas no Servizo Público de Emprego de Galicia que teñan unha idade igual ou superior aos dezaoito anos.
A solicitude de participación poderase realizar, ata o día 1 de outubro de 2018, na Oficina de Emprego de Betanzos.
Información do proxecto:
- Nome: Obradoiro de Emprego “Terras da Montaña II”
- Especialidade formativa: Actividades Auxiliares en Viveiros, Xardíns e Centros de Xardinaría
- Nº de persoas alumnas-traballadoras a contratar: 20.
- Duración do contrato: 9 meses.
Máis información: Servizo de Orientación Laboral. (Telf.: 981789003 Ext. 2037)