O Goberno local aproba o convenio que permitirá a atención das emerxencias a través do GES até 2021
- O convenio aprobouse só cos votos a favor do PP, que acusou de incongruencia á oposición "porque sen ese convenio perderiamos o servizo así como 755.469 euros en tres anos, e os 12 efectivos do GES se irían á rúa".
- O servizo atendeu 1.198 incidencias no 2018 nos 6 municipios aos que dá servizo.
8 febreiro 2019.- O Goberno local aprobou en solitario no Pleno ordinario a renovación do convenio do GES de Curtis, que permite que se manteña até o ano 2021 este servizo que atende as emerxencias dos concellos de Curtis, Vilasantar, Mesía, Oza-Cesuras, Aranga e Sobrado, é dicir, a unha población de 18.000 habitantes e 800 quilómetros cadrados.
O ano pasado, o GES de Curtis atendeu 1.198 emerxencias, das que 1.000 foron intervencións de retirada de niños de vespa velutina. Ademais, destaca a súa actuación en 46 accidentes de tráfico e 21 incendios urbanos e forestais, entre outras emerxencias.
O alcalde Javier Caínzos puxo en valor ao Grupo de Emerxencias, "conformado por un excelente equipo humano e profesional, plenamente recoñecido polos veciños de seis municipios".
Os concelleiros non adscritos abstivéronse na aprobación do convenio e pediron melloras laborais para os efectivos do GES. O PP sostivo que era unha total incongruencia pedir melloras para os efectivos e non votar a favor da continuidade do convenio, porque sen convenio non existiría o servizo nin tampouco, por tanto, os doce postos de traballo.
"Claro que somos partidarios de mellorar as súas condicións, pero o convenio non o marcamos nós e sen ese convenio, que vostedes non aproban, nos quedariamos sen o servizo de atención das emerxencias, se irían á rúa os traballadores e nós perderiamos 755.469 euros en tres anos, 251.823 euros cada ano", aclaro o edil Antonio Fraga, que defendeu a profesionalidade dos efectivos, "cuxa labor está moi valorada e ponse como modelo porque os seus baremos de actuación están por encima da media", aclarou.
O novo convenio permitirá manter o servizo a un menor custo para as arcas municipais ao reducir a contribución do municipio ao 7,5%. O resto é financiado por Xunta e Diputación.
Sanidade: reforzos antes do verán
No Pleno, o equipo de Goberno tambén deu conta das xestións realizadas para mellorar os centros de saúde de Curtis e Teixeiro, tras as que se consiguiron un compromiso da Xerencia para reforzar con máis medios humanos e técnicos antes do verán.
Os edís non adscritos presentaron unha moción para esixir eses reforzos, pero o Goberno local sostivo que non a apoiaban "porque temos un compromiso adquirido xa, e estaremos vixiantes para que se cumpra". Antonio Fraga lembrou que a Corporación aprobou con anterioridade mocións no mesmo sentido, "mesmo do ano 2008 cando vostedes aínda non estaban no Concello, xa ven desde cando vimos pelexando por este tema", insistiu.