Curtis xa dispón, oficialmente, dos seus orzamentos para 2020
O Concello de Curtis xa dispón, oficialmente, dos seus orzamentos para o ano que comeza.
O Boletín Oficial da Provincia de A Coruña publicou a entrada en vigor destas contas, aprobadas inicialmente en sesión plenaria o pasado 5 de decembro, por maioría absoluta e coa abstención da oposición.
Trátase duns orzamentos que consolidan o progresivo aumento na partida de servizos sociais defendida dende o goberno local, e que consolidan a Relación de Postos de Traballo municipal, de xeito que a finais do vindeiro ano 2020 non haxa rastro de temporalidade na plantilla municipal.