Lupe Gómez, embaixadora do Concello de Curtis
Curtis-Teixeiro, 9 de abril de 2022-.
O secretario xeral de Política Linguística, Valentín García, o alcalde do Concello de Curtis, Javier Caínzos (de forma telemática), concelleiros da corporación, familiares, amigos e veciños arrouparon hoxe á escritora galega Lupe Gómez, durante a homenaxe no salón de actos do Recinto Feiral de Curtis.
Neste acto presentado pola concelleira de Igualdade, Educación e Cultura, Eva Lata entregóuselle o título de Embaixadora do Concello de Curtis. Esta é a distinción máxima que concede o concello a aqueles veciños/as que son un exemplo de valores e que levan o nome do municipio con orgullo.
A escritora durante o seu discurso prometeu " defender os intereses dos meus veciños e
do meu pobo de Curtis ante todos os tribunais do mundo" e agradeceu enormemente
este título que recibía emocionada.
Pola súa parte o secretario apuntou: "Lupe é un dos maiores referentes da cultura
galega, un dos corazóns da nosa literatura de máis valía".
Finalmente o alcalde do Concello engadiu: "a nova embaixadora curtiense, Lupe, é unha
das voces poéticas máis singulares dos últimos vinte anos en Galicia.
Preme na ligazón para ler o discurso completo de Lupe: Discurso_Lupe.pdf