Os premios do certame de Narración Curta do Concello de Curtis, que o ano pasado centrouse no tema dos deportes baixo o título Olimpíadas Curtis 2014, entregaranse este venres, día 27, ás 19.30 horas, na Casa da Xuventude. Nesta décima edición presentáronse case medio centenar de traballos, na súa maioría procedentes de Galicia, das provincias da Coruña e Pontevedra. Ao acto de entrega acudirán a coordinadora provincial dos Equipos de Dinamización (Pura Galán) e o xefe do Gabinete de Normalización Lingüísitca (Luis Sánchez).

No marco do programa Erasmus+ no que participa o Concello de Curtis, dous mozos do municipio, de idades entre 18 e 30 anos, poderán participar nun intercambio en Roccavaldina (Mesina - Sicilia). A estancia será do 20 ao 27 de maio, e compartirán a experiencia con xóvenes de Romanía, Italia, Reino Unido, Eslovaquia, Estonia, Bulgaria e Croacia.