banner narracion curta XIV

O Concello de Curtis amósase satisfeito coa resolución da Xunta sobre a modificación do PXOM

O Diario Oficial de Galicia publica hoxe a aprobación definitiva parcial da modificación puntual n°6 da PXOM. Unha resolución ante a que o Concello de Curtis amósase satisfeito.

A proposta remitida a urbanismo incluía os 143 núcleos rurais do Concello, dos cales a Xunta dalle o visto bó a 130 e insta ó concello a facer correccións e xustificar mellor a proposta nos 13 restantes (Os Campos, As Regas, Abelar, Brixeria, Bodeus, Montealto, Morangueiros, Balter, Cruceiro, Cerdeira, Modillos, Santaia, Curro).

Neste punto, o equipo corrector levará a cabo as modificacións coa maior brevidade posible para poder solicitar á Xunta a súa aprobación definitiva.

Segundo explicou o alcalde, Javier Caínzos, con esta modificación do PXOM dase resposta ó proceso de participación cidadá promovido dende o Concello, e adecúase o Plan á lexislación vixente da Lei do Solo de Galicia.

Coa proposta, deseñada polo goberno local para impulsar o desenvolvemento rural, adáptanse as delimitacións existentes á realidade social do Concello, reflectindo as necesidades dos veciños e veciñas.

As novas delimitacións exclúen dos núcleos rurais as edificacións adicadas ó uso gandeiro, agrícola e forestal para facilitar a ampliación das edificacións existentes e as actividades vinculadas cos sectores primarios.

 

PXOM copy

Aprobada, cos votos a favor do PP, e a abstención das Asambleas Abertas, a RPT municipal

O Pleno de Concello de Curtis aprobou na sesión ordinaria de hoxe a posta en marcha da primeira Relación de Postos de Traballo do Concello, xurdida dun amplo consenso conseguido dende a alcaldía.

Este documento, que redundará en mellores condicións salariais de 53 empregados municipais, foi aprobado definitivamente na xornada de hoxe grazas ós votos a favor do Partido Popular, pese á abstención das Asambleas Abertas de Curtis.

O goberno local, encabezado por Javier Caínzos, celebra a aprobación definitiva desta RPT, que tramitará coa maior celeridade  para que os traballadores poidan disfrutar canto antes das melloras que lles implica.

Asimesmo, lamenta que a entrada en vigor do documento se demorase varios meses pola presentación de dúas alegacións, unha da UXT, e outra dun traballador municipal, que foron desestimadas.

 

Outros puntos do día

Entre os puntos do día da sesión plenaria cabe destacar a aprobación, por unanimidade, da posta en marcha dun Convenio de Colaboración entre Curtis e Vilasantar para solicitar ó goberno autonómico a financiación da pavimentación da Rúa Xaboeiro, limítrife entre ambos concellos.

Tamén por unanimidade aprovouse de xeito provisional a Ordenanza Fiscal Reguladora da Taxa polo aproveitamento especial do dominio público local, a favor de empresas explotadoras de servizos de subministros de interese xeral.

 pleno febrero copy

En la web www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso Mas información.