O Pleno da Corporación do Concello de Curtis celebrado o 30 de agosto de 2013 fixou os festivos locais no termo municipal de Curtis para o ano 2014 que para ese ano serán o 4 de marzo (martes de entroido) e o 19 de marzo (San Xosé).
O Centro de Información ás Mulleres do concello organiza un curso de defensa persoal feminina durante os sábados 21 e 28 de setembro, en horario de 16:00 a 20:00 horas. A actividade, que é gratuita, está destinada a mulleres de catorce anos en adiante.
Ó inicio do curso María López Gestal xunto co instructor do mesmo, Miguel Bordera, realizarán unha demonstración de savate ou "boxeo francés", deporte de combate no que se emprega as máns e os pes como armas.
O prazo de inscrición ó curso remata o vindeiro 18/09/2013 xa que as prazas son limitadas. A inscrición poderá realizarse no CIM, ubicado na Casa do Concello en Teixeiro, ou na Oficina Municipal de Curtis.
