banner narracion curta XIV

Curtis rompe coa tendencia á despoboación do rural aumentando o seu censo no 2019

O Instituto Nacional de Estatística vén de publicar os datos censais do ano 2019. Un informe que deixa boas novas para Curtis: nun contexto no que a tendencia é a despoboación do rural, o concello curtiense conseguiu aumentar o seu padrón, pasando de 3.958 habitantes en 2018 a 3.983 en 2019, un saldo positivo de 25 persoas.

O forte crecemento industrial da localidade, que está a xerar centos de empregos, o apoio aos traballadores do rural, e a crecente aposta polas políticas sociais e as axudas á conciliación, están detrás deste aumento poboacional.

Curtis está a demostrar ser un concello atractivo para traballar, para vivir, e para formar unha familia, e así se reflexa nos datos de poboación.

Perda poboacional nos concellos limítrofes

Curtis é o único dos pequenos concellos da contorna que consegue aumentar o seu número de habitantes, en lugar de perdelos.

A tendencia á baixada poboacional vese de maneira clara nos concellos limítrofes: Vilasantar perdeu 12 habitantes, Oza-Cesuras 54, Aranga 45, Sobrado 41, Mesía 43 e Guitiriz 21.

 

INE

En la web www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso Mas información.