banner narracion curta XIV

Os comerciantes e os hostaleiros de Curtis súmanse ás Xornadas do Rural Galego cun gran mercado de primavera

O próximo 14 e 15 marzo, o comercio de Curtis súmase á iniciativa organizada polo concello Concello “O Rural Galego dende Curtis”. E farano co primeiro mercado do ano, anticipando a chegada da primavera.

Nun espazo coidadosamente decorado e ambientado, os distintos comercios presentarán as súas propostas para esta tempada. Ademais, estarán acompañados por unha representación da hostalería local cunha oferta moi variada, incluíndo unha foodtruck.

“Desde a Asociación de Comerciantes de Curtis traballamos con moita ilusión para diferenciarnos con eventos deste tipo, creando espazos orixinais. Pretendemos proporcionar unha experiencia única aos nosos clientes e veciños e sorprender a todos os que nos visitan”, explican os responsables da asociación que levan por lema: “Visítanos e ruralízate!”

69361299 1763579687106728 1356316277978693632 n

O Concello de Curtis continúa promovendo o asentamento industrial no municipio grazas á bonificación de taxas fiscais

O Concello de Curtis levará ao pleno extraordinario do próximo martes día 10, ás 14.30 horas, a declaración de especial interese ou utilidade municipal de tres empresas para que poidan obter a correspondente bonificación do Imposto sobre Construcións, Instalacións e Obras en base á ordenanza fiscal reguladora do ICIO.

Unhas medidas que o goberno local vén implementando e que axudaron a promover o asentamento de iniciativas empresariais no municipio e que incentivan a creación de emprego. De feito, estas bonificacións fíxanse en relación a dous parámetros como son o orzamento de execución da obra e o número de postos de traballo que xera.

Desta forma, o vindeiro martes levará a pleno a declaración de especial interese ou utilidade municipal dunha empresa madeireira, outra de transformación de materia prima e unha terceira do sector da construción. Os proxectos que desenvolveron nos últimos anos susceptibles de ser bonificados ascenden a máis de 8,9 millóns de euros e lograron xerar máis de 140 postos de traballo.

En total, unha vez aprobada a súa declaración como empresas de especial interese municipal e obter as bonificacións fiscais, suporá para estas empresas un aforro de máis de 100.000 euros de pago de taxas do Imposto sobre Construcións, Instalacións e Obras.

inleit tramita

En la web www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso Mas información.