Banner XIV premio de narracion curta concello de curtis

Intercambios Europa

O irmandamento de Curtis con sete municipios europeos de Francia, Bulgaria Romanía, Letonia e Malta posibilita que os mozos do municipio poidan viaxar a eses países a coñecer a súa cultura e o seu idioma a través de programas de intercambio. Tamén poden vivir estas experiencias a través do Erasmus Plus, que se enmarca na estratexia Europa 2020, Educación e Formación 2020 e na Rethinking Education, que engloba todas as iniciativas de educación, formación, mocidade e deporte. Nos últimos anos participaron nestas iniciativas máis de medio centenar de mozos, que se trasladaron a Italia, Sicilia, Portugal, Bulgaria, Noruega e Turquía, entre outros países.

Os intercambios adoitan ter unha duración de entre 5 e 9 días. Durante este tempo conviven con participantes doutros países.

O Concello acreditouse, así mesmo, para enviar novos voluntarios a calquera país europeo. Só necesitan ter entre 18 e 30 anos e a súa estancia está subvencionada pola Unión Europea.

Como facerse voluntaria / voluntario europeo?

O voluntariado europeo é unha forma de expresar un compromiso persoal participando en actividades voluntarias dentro ou fóra da Unión Europea. Poden acollerse a este servizo xóvenes europeos de entre 18 e 30 anos de idade (a partir de 16 anos se son mozos en risco de exclusión), e non se pide requisito algún.

Existen centos de proxectos, con multitude de temáticas en distintos sectores: medio ambiente, arte, cultura, actividades sociais, deporte, etc, e tamén hai distintas duracións do proxecto, sendo o mínimo de dous meses e o máximo de 12.

Tema económico

Está todo cuberto durante a estancia no país de acollida: transporte, aloxamento, mantemento e clases lingüísticas, coa excepción dun 10% do custo da viaxe (hai entidades que xa o pagan elas) e os gastos persoais, aínda que para estes últimos existe o chamado Pocket Money, que axuda a cubrilos xa que o voluntariado non está remunerado.

Que teño que facer para participar?

O primeiro paso é buscar unha entidade de envío (asociación, institución, etc.), que sexa da comunidade autónoma e estea acreditada para poder enviar a voluntarios. O Concello de Curtis dispón desta acreditación.

Feito isto, hai que decidir o proxecto que máis se adapte aos labores que se pretenden realizar. O Concello curtiense pon todos os recursos dispoñibles para esta procura.

Xa tes proxecto

Unha vez atopado o proxecto, hai que mandar o currículo e unha carta de motivación á dirección de contacto da entidade. O ideal é que o CV estea en formato europeo e escrito en inglés, así como a carta de motivación.

Despois, só hai que esperar noticias sobre se se foi ou non seleccionado.

Máis información:
Área municipal de Mocidade
Telf. 981789003 **Ext.36
Facebook: Xuventude Concello de Curtis.

Curtis é, ademais, un municipio de acollemento de mozas e mozos doutras nacións, que quedan en Curtis varios meses apoiando en programas municipais de formación e de organización de eventos mentres aprenden o idioma e a cultura.

En la web www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso Mas información.