banner cam ver 2017

Emprego e Formación

Servizo de Orientación Laboral

O Concello de Curtis dispón dun servizo de información, orientación e prospección de emprego, que tamén atende aos municipios limítrofes de Vilasantar e Sobrado. Os destinatarios das súas accións son todos os demandantes de traballo inscritos no Servizo Público de Emprego de Galicia, ben cando o soliciten expresamente na oficina de emprego, ou ben cando o demande á propia orientadora laboral.

Funcións do servizo

- Elaboración de diagnósticos individualizados sobre o perfil, as necesidades e as expectativas das persoas demandantes de emprego mediante entrevistas personalizadas, para poder atopar ou manter un emprego ou acceder a un novo.

- Informar sobre o mercado de traballo e os incentivos e medios dispoñibles para o fomento da contratación e o apoio das iniciativas emprendedoras.

- Deseño, elaboración e realización de itinerarios individuais e personalizados de emprego ás persoas desempregadas a través de información e orientación profesional para o emprego e o autoemprego, para a mellora da súa cualificación profesional e da súa potencialidade para atopar traballo.

- Contactos coas empresas para difundir información sobre as súas iniciativas para facilitar a inserción laboral, realizando así mesmo unha prospección das necesidades das empresas e o casamento entre as ofertas e demandas de emprego, favorecendo o achegamento entre as necesidades das empresas e as posibles persoas candidatas.

- Información e orientación sobre o proceso de recoñecemento das competencias adquiridas pola experiencia laboral para as persoas demandantes de emprego mediante a acreditación oficial da súa cualificación a través dos certificados de profesionalidade.

- A información e o asesoramento das persoas demandantes de emprego sobre a oferta de accións de formación profesional para o emprego, con acreditación oficial a través do repertorio de certificados de profesionalidade cando estean vinculadas ao Catálogo Nacional de Cualificacións, así como dos títulos de formación profesional.

Formación
Este servizo tamén organiza actividades de formación (cursos, xornadas e talleres) encamiñadas a actualizar coñecementos e mellorar actitudes profesionais.

Dirección:
Casa Consistorial
Praza de España, 1
15310 Teixeiro (Curtis, A Coruña)
Telf. 981 789 003  Ext. 37
Correo: Este enderezo de correo está a ser protexido dos robots de correo lixo. Precisa activar o JavaScript para velo.

En la web www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso Mas información.