O xoves 20 de agosto o Concello de Curtis realizou unha sesión informativa integrada dentro do proxecto "Deseñando o teu futuro" que desenvolve esta entidade dende o mes de agosto.

O obxectivo desta reunión era informar, aos participantes do proxecto, sobre as alternativas formativas e profesionais ao seu alcance, o programa de garantía social, as bolsas Feuga e o programa Erasmus+ foron algúns dos contidos tratados.

Ao encontro acudiron Javier Caínzos, alcalde de Curtis e Esther Lago, concelleira de Xuventude que animaron e subliñaron aos asistentes a importancia de participar nos programas convocados pola Dirección Xeral de Xuventude e Voluntariado que se organizan no municipio.

Curtis desenvolve dende principios de agosto o programa Deseñando o teu futuro. Esta iniciativa, financiada pola Consellería de Traballo e Benestar, esta destinada a que mozos e mozas de entre 14 e 18 anos realicen estadías – visitas en empresas, coa finalidade de que se acheguen á realidade laboral do seu contorno.

O programa organizado polo Concello de Curtis conta con 10 participantes que desenvolven as súas estadías en empresas de diversos sectores, tales como automoción, reciclaxe, sector eléctrico, industria da madeira e carpintería.

Coa colaboración das empresas, os mozos/as adquirirán coñecementos e habilidades que favorecerán o seu desenvolvemento persoal e facilitarán a toma de decisións na súa traxectoria formativa profesional.

O Concello de Curtis solicitou á Deputación e foi elixido sede para a realización do curso de "Mobilizacións e hixiene postural" que se está a desenvolver durante o presente mes de maio no Centro Etnográfico situado en Teixeiro.

A acción formativa esta integrada no Plan de Formación Agrupado da Deputación A Coruña, para o ano 2015, dirixido ao persoal das administracións públicas e conta cun total de 19 participantes, auxiliares de axuda a domicilio dos concellos da comarca.