Banner XIV premio de narracion curta concello de curtis

A unidade móbil para a doazón de sangue estará en Curtis o 18 de xullo e en Teixeiro o 8 de agosto

teixeiro2016

O Concello de Curtis e o Centro de Transfusión de Galicia impulsan a participación dos veciños e veciñas nas campañas de doazón de sangue para garantir o labor dos hospitais galegos, que precisan 10.000 doazóns de sangue cada mes.

As épocas do ano de maior dificultade para a doazón de sangue coinciden co verán. Os enfermosingresados nos hospitais galegos seguen a precisar a solidariedade da cidadanía, e por iso, o Concello distribuirá material informativo para tratar de incrementar a participación.

As persoas maiores de 18 anos que desexen participar poden acudir a:

CURTIS. 
LUNS 18 de XULLO

  • 
Unidade móbil diante da Casa da Xuventude. Desde ás 
10.00 ás 14.00 e 16.30 ás 21.00 horas

TEIXEIRO. LUNS 8 de AGOSTO

  • Unidade móbil frente ao Concello. Desde ás 10.00 ás 14.00 e 16.30 ás 21.00 horas

A Organización Mundial da Saúde recomenda acadar de 40 a 60 doazóns de sangue por cada 1.000 habitantes para cubrir todas as necesidades dos hospitais. O obxectivo é incrementar a participación en Curtis para axudar a moitos enfermos que precisan da nosa solidariedade. O vindeiro mes de agosto, a unidade móbil do CTG tamén visitará Teixeiro dentro desta campaña
solidaria.

Queremos facer un agradecemento especial a todas as persoas que doan sangue. O Concello de Curtis conta con 740 doadores censados que realizaron 6.155 doazóns de sangue dende a primeira visita da unidad móbil do CTG en febreiro de 1994. Grazas a este xesto solidario, cada día os hospitais atenden unha media de 2.700 urxencias, realizan máis de 500 intervencións cirúrxicas e levan a cabo 3 transplantes de órganos e tecidos.

grafico1 2016

Neste verán, moitas persoas dependen da solidariedade dos veciños e veciñas de Curtis para recuperar a saúde ou salvar a vida.

Súmate, doa sangue.

 

En la web www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso Mas información.