banner narracion curta XIV

Deportes organizará o venres, 7 de abril, unha nova camiñada con monitor en Curtis para potenciar hábitos saudables

caminataA área de Deportes do Concello de Curtis, no marco da Estratexia de Promoción da Saúde e Prevención no Sistema Nacional de Saúde, prepara unha nova camiñada con monitor, gratuíta e aberta aos/as veciños/as, que se organizará este venres, día 7 de abril, no núcleo de Curtis.

Con esta actividade, o Goberno local quere promocionar hábitos e estilos de vida saudable a través do desenvolvemento de actividades físicas moderadas para todas as idades.

Os interesados en acudir, a saída será ás 17.00 horas no pavillón polideportivo de Curtis, desde onde se partirá para realizar un percorrido de 10 quilómetros, cun descanso intermedio. A hora de regreso estimada é ás 18.30 horas.

É recomendable levar un chaleco reflector.

De abril a xuño convocaranse máis camiñadas e outras actividades, que se irán anunciando con suficiente tempo de antelación.

En la web www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso Mas información.