Banner XIV premio de narracion curta concello de curtis

Parroquias

Curtis posúe unha extensión de 117,5 quilómetros cadrados, distribuídos en catro parroquias, Santa María de Fisteus, Santa María de Foxado, Santa Eulalia de Curtis e Santa María de Lourdes:

 

Santa María de Foxado: situada ó leste, é xunto con Fisteus, a máis rural e a menos poboada de todas as parroquias. Carece de núcleo principal e ocupa unha superficie do 30,54% do total.

Santa María de Fisteus: é a parroquia máis extensa ocupando o 34,96% da superficie do concello.

Santa Eulalia de Curtis: ocupa o centro-norte do concello. Ten unha superficie equivalente ó 27,14% da superficie municipal e é aquí onde se sitúa o outro núcleo importante: Teixeiro.

Santa María de Lourdes é a máis occidental e a máis pequena de todas (865 Ha) e representa o 7,36% da superficie do concello. A esta parroquia pertence o núcleo urbano de Curtis que representa un 27% da poboación total do concello.

 

Na táboa que se amosa a continuación atopamos máis datos que nos permitan coñecer un pouco máis cada unha destas parroquias:

 

  Sta. Eulalia Fisteus Foxado Lourdes TOTAL
Extensión km2 31.6 km2 45 km2 38.5 km2 2.3 km2 117.5 km2
Entidades poboación 54 51 31 6 142
Nº habitantes 1.799 657 503 1.412 4.371
Porcentaxe poboación 41.16 % 15.03 % 11.51 % 32.30 % 100 %
Densidade (hab/km2) 56.93 14.60 13.06 613.91 37.20
Fonte: elaboración propia

Das catro parroquias Sta. Eulalia de Curtis (cun 39,9%) e Sta. María de Lourdes (30%) concentran a maior parte dos habitantes. A estas parroquias pertencen respectivamente os dous núcleos máis importantes do concello, Curtis e Teixeiro. Ambos núcleos distan 12 km. entre si e comparten importancia, en torno a eles ten lugar a maior parte da actividade que se xera no concello. Ademais, o seu crecemento paralelo deu lugar a unha duplicación dos servicios, equipamentos e dotacións municipais.

En la web www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso Mas información.