banner cultura 2019 1

ruaprincipalcurtisÉ a máis occidental e a máis pequena do municipio. Con 865 ha., representa o 7,36% da superficie do concello. A esta parroquia pertence o núcleo urbano de Curtis, onde se concentra o 34% da poboación total do concello, un total de 1.420 habitantes.

Nosa Señora de Lourdes foi desmembrada de Santa María de Fisteus e creada parroquia independente pola real Orde da Dirección Xeral de Xustiza, Culto e Asuntos Xerais o 10 de outubro de 1928, adquirindo total independencia por un Decreto do Arcebispado de Santiago do 1 de febreiro de 1929.

Núcleos de poboación

Bodeus / Curtis / Paio Rodríguez / A Raia / Seixo de Abaixo / Seixo de Arriba

Etimoloxía


É probable que o nome do lugar de Budeos (Bodeus) proveña do latín 'buda', que significa espadana (con respecto ás espadanas dos prados). Trátase dunha palla que abunda en lugares húmidos e pantanosos, como era esta aldea. No lugar de Os Bodeus, tamén coñecido como Aldea Vella, construíuse a estación de ferrocarril, e co tempo a localidade pasou a denominarse Curtis-Estación, segundo un acordo da Corporación local en 1957.

A Xunta de Galicia volveu cambiar o topónimo polo da Estación no ano 2000 durante a revisión que se realizou para adaptar as nomenclaturas á Lei de Normalización Lingüística. Só durou tres meses, o tempo no que, a instancias do Concello, revisouse este acordo e o Goberno galego acordou finalmente como toponimia oficial o nome de Curtis.

O nome do lugar de Seixo procede do latexei 'saxum', que significa roca dura, cuarzo (croio) e que era abundante en toda a zona.

(Para saber máis sobre a historia do núcleo de Curtis existe unha obra de Andrés Mariño Sanmartín, titulada 'Bodeus, Curtis-Estación, Curtis', sobre as súas orixes e evolución).

A súa feira

Coa apertura da estación de ferrocarril de Curtis, inaugurada polo rei Alfonso XII en 1882, e as melloras das estradas de Curtis-Santaia, Coruña-Ourense e a comarcal Santiago-Curtis, a parroquia converteuse nun gran centro de recepción de visitantes que motivou o nacemento dunha gran feira, que perdura até hoxe e que se celebra os días 9 e 23 de cada mes.

Festas e romarías

Festa das Flores, en Curtis. Finales de maio.
Romería do Monolito, en Curtis. Mediados de xuño.
Festa na honra de Nosa Sra. De Lourdes, en Curtis. Finais de agosto.

BotonPatrimonio

 

 

 

 

 

En la web www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso Mas información.