Aberta a inscrición para participar no Día da Bici o vindeiro 13 de agosto

A área de Deportes do Concello de Curtis está ultimando os preparativos para a celebración do popular Día da Bici 2016, que se organizará o vindeiro sábado, 13 de agosto. A actividade está pensada para todos os veciños sen límite de idade.

A marcha ciclista saíra desde o pavillón municipal de Curtis e da Casa do Concello, en Teixeiro, e o percorrido finalizará en Xabriño. Ambas salidas están previstas ás 10:30h.

En Xabriño procederáse co sorteo da bicicleta de montaña e coa entrega de trofeos para o participante máis novo, o máis veterán, o grupo ciclista máis numeroso e a bicicleta máis orixinal.

O prazo da inscrición, necesaria para formar parte do sorteo da bicicleta de montaña e da entrega de trofeos, rematará o xoves, 11 de agosto.