Curtis Saudable - O Concello impartirá talleres de corrección postural aos alumnos do IES de Curtis

No marco da Estratexia de Promoción da Saúde e Prevención do Sistema Nacional de Saúde, o Concello de Curtis impulsa o desenvolvemento de talleres de corrección postural no IES de Curtis. Os primeiros están programados para dous grupos de alumnos de 1º da ESO (12 anos) o vindeiro luns, día 28 de novembro, de 11.35 horas a 12.25 horas e de 12.45 a 13.35 horas.

As clases, que se inclúen nos acordos adoptados pola Mesa Sectorial, onde están presentes representantes municipais, dos centros escolares e dos centros médicos, serán impartidas por persoal municipal de deportes, o técnico e a monitora deportiva.

O Concello de Curtis desenvolve a Estratexia de Promoción da Saúde e Prevención do Sistema Nacional de Saúde co fin de potenciar hábitos e estilos de vida saudable optimizando os recursos dos que dispón o municipio.