Ábrese o prazo para inscribirse na excursión ao Dolmen de Dombate e a Buño para a terceira idade

A área de Benestar Social e de Cultura do Concello de Curtis organiza, no marco do Programa de Lecer Activo para a Terceira Idade, unha excursión para este colectivo ao Dolmen de Dombate e a Buño o vindeiro 16 de xuño.

As persoas interesadas poden formalizar a súa inscrición desde o día 19 deste mes de maio até o día 13 de xuño na Casa do Concello en Teixeiro (Telf. 981789003) ou nas dependencias municipais de Curtis (Telf. 981777105). É imprescindible presentar o carné da terceira idade.

O número de prazas ascende a 110 e o prezo é de 12,41 euros.