Excursión a Vila Nova de Cerveira e Valença para a terceira idade o 6 de abril

A área de Benestar Social e de Cultura do Concello de Curtis organiza, no marco do Programa de Lecer Activo para a terceira idade, unha excursión para este colectivo a Vila Nova de Cerveira e Valença do Miño, en Portugal, o sábado, 6 de abril.

As persoas interesadas poden formalizar a súa inscrición até o día 2 de abril na Casa do Concello en Teixeiro ou nas dependencias municipais de Curtis. É imprescindible presentar o carné da terceira idade.

O número de prazas ascende a 110 e o prezo, de 12,41 euros, inclúe a viaxe e a comida.