A área de Orientación Laboral do Concello de Curtis organizará os días 21 e 22 de outubro un curso gratuíto de carretilla elevadora, que durará 12 horas.

• Día 21: De 16.00 a 20.00 horas.
• Día 22: De 9.00 a 13.00 horas e de 14.30 a 18.30 horas.

As clases impartiraas ECT Galicia (Grupo San Martín) no Polígono Industrial Curtis-Teixeiro. A acción formativa é para 20 persoas, que serán admitidas por orde de inscrición e terán preferencia as persoas empadroadas no municipio.

Os interesados poden inscribirse até o 10 de outubro na Casa do Concello (2º andar), en Teixeiro, ou nas oficinas municipais de Curtis. Será necesario que cubran a ficha de inscrición e entreguen a copia de demandante de emprego.

Máis información en Orientación Laboral: 981789003, ext. 37.

A área de Promoción Económica do Concello de Curtis organizará o vindeiro día 24 de setembro un  curso gratuíto sobre técnicas de condución baixo a denominación 'Conduce ti'. A iniciativa, que combinará clases teóricas e prácticas, pretende formar, especialmente á xuventude, nos hábitos da condución segura.

• Día: 24 Setembro 2016.
• Horario: 9.00 a 15.00 horas.
• Destinatarios: Darase prioridade aos mozos/as.
• Lugar: Polígono Industrial Curtis- Teixeiro.
• Imparte: E.C.T. Galicia ( Grupo San Martin).
• Prezo: Gratuíto.

• Actividade: Combinaranse as clases teóricas sobre as diversas técnicas de condución con prácticas con vehículo tipo turismo:

- Simulador de superficies esvaradías.
- Freada con ABS.
- Freada con avaría.
- Slalom.
- Círculo de Kann.

• Máis información e inscricións:

- Casa do Concello en Teixeiro (Orientación Laboral). Telf. 981789003 ( ext.37)
- Oficina Municipal de Curtis. Telf. 981777105.

• Prazo de inscrición: ata o 14 setembro (prazas limitadas a cubrir por orde de inscrición ás persoas empadroadas no concello de Curtis).

Todas as máquinas de produtos fitosanitarios de máis de 100 litros de capacidade e con máis de 5 anos de antigüidade están obrigadas por lei a inscribirse no ROMA e a pasar a ITEAF (Inspección Técnica de Equipos de Aplicación de Fitosanitarios) antes do 26 de novembro deste ano.

Por este motivo, vaise a realizar en Curtis e en Teixeiro unha xornada para a Inspección Técnica, prevista para o día 26 de setembro, nos seguintes lugares e horarios:

• Curtis: de 9:00 a 14:30 horas, no Recinto Feiral.
• Teixeiro: de 15:20 a 20:00 horas, na contorna do pavillón municipal.

Os interesados poden xestionar as súas citas desde as propias oficinas municipais, achegándose a pedir hora ou chamando aos teléfonos:

• Casa do Concello en Teixeiro: 981 789 003
• Dependencias municipais de Curtis: 981 777 105

Se algunha persoa finalmente non pode acudir á cita, deberá avisar para anulala ou cambiala.

Máis información:

• Que é a ITEAF
• Preguntas máis frecuentes
• Como superar a ITEAF
• Tarifas