• O prazo de inscrición para esta proba urbana estará aberto até o 1 de xullo.

A III Carreira Popular de Curtis e o Campionato Galego, no que se percorrerán cinco quilómetros en zona urbana, celebraranse o próximo día 2 de xullo, sábado. O Concello de Curtis, organizador do certame a través da concellaría de Deportes, manterá o prazo de inscrición aberto até o venres, 1 de xullo, ás 22.00 horas.

A proba, na que colaboran a Federación Galega de Atletismo, Deporte Galego e a Xunta, está deseñada por percorridos para as distintas idades dos corredores, establecidas por categorías. Para os máis pequenos, a categoría Pitufo, a distancia a percorrer será de 300 metros, que subirá a 500 para os Prebenxamíns, a un quilómetro para Benxamíns e Alevíns e a 2.500 metros para Infantís e Cadetes.

Na carreira dos 5 quilómetros en ruta, que estará homologada pola Real Federación Española de Atletismo e que percorrerá as principais rúas de Curtis, poderán participar as categorías Xuvenil e Junior, Promesa e Senior e Veteranos. Esta proba absoluta será á súa vez Campionato Galego.

Para consultar os percorridos, preme aquí.

• Organizaranse do 1 ao 29 de xullo, de 10.00 a 14.00 horas.

O CIM (Centro de Información ás Mulleres) de Curtis anuncia a apertura do prazo de inscrición para os campamentos urbanos de verán, nos que, entre outras actividades, desenvolveranse xogos cooperativos, contacontos e manualidades. A data límite para anotar aos nenos/as de 3 a 12 anos, será o 17 de xuño.

Os campamentos organizaranse do 1 ao 29 de xullo, de 10.00 a 14.00 horas, no Centro de Ocio Infantil de Curtis e no Recinto Escolar de Teixeiro.

Esta iniciativa, coa que se quere axudar á conciliación familiar, conta coa colaboración da Obra Social da Caixa.

A participación no campamento serán incompatibles coas actividades deportivas de verán pola coincidencia de horarios.

A área de Benestar Social e Cultura do Concello de Curtis abriu hoxe o prazo para a inscrición á excursión ás localidades de Baiona e Nigrán para o colectivo da terceira idade. Será o próximo 17 de xuño.

Os interesados poderán anotarse até o 14 de xuño tanto na Casa do Concello, en Teixeiro (telf. 981 789 003) como na Oficina Municipal de Curtis (telf. 981 777 105).

O total de prazas será de 110, e adxudicaranse por orde de inscrición. O prezo é de 12,41€, que inclúe os traslados e a comida.

Para a inscrición será necesario presentar o carné da terceira idade.