Convocatoria pleno ordinario 30 de maio 2016
Convocatoria pleno ordinario 30 de maio, ás 14.15 horas.
Reunións en Curtis e Teixeiro para explicar as posibilidades de investimento e emprendimiento no rural
- Están previstas para o mércores, 25, ás 16.00 horas no Centro Etnográfico de Teixeiro e ás 21.00 horas no Recinto Feiral de Curtis.
Mañá, mércores, 25, organizaranse dúas reunións no concello de Curtis co fin de explicar a colectivos e veciños interesados as posibilidades de emprendimiento e de investimento que se poden desenvolver no municipio a través da súa integración no territorio do GDR (Grupo de Desenvolvemento Rural das Mariñas) e coas axudas do programa europeo Leader 2014-2020.
Nestas reunións, ademais da presentación dos programas, recolleranse as suxestións e propostas para o deseño dunha estratexia conxunta.
As liñas de actuación contemplan desde axudas á mellora da xestión do sector agrario, incluída a recuperación de cultivos locais, e á súa competitividade (cooperativismo, comercialización de produtos, etc.), así como ao fomento das explotacións forestais, a innovación e a transferencia de coñecemento no sector agrario e forestal e a mellora e conservación do medio ambiente. Ademais, impulsaranse proxectos que axuden á diversificación da economía e o emprego, ao fomento dun turismo sustentable, á mellora do patrimonio e a cultura e a impulsar servizos vinculados á mellora da calidade de vida do rural.
As reunións están fixadas ás 16.00 horas no Centro Etnográfico de Teixeiro e ás 21.00 horas no Recinto Feiral de Curtis.
A XVII Xuntanza dos Maiores celebrarase o 22 de maio en Teixeiro
O próximo 22 de maio, domingo, celebrarase a Xuntanza dos Maiores, que este ano alcanza a súa dezasete edición.
Como é xa tradición, a celebración desta homenaxe do Concello de Curtis aos veciños de máis idade rota cada ano entre as localidades de Curtis e Teixeiro, e nesta ocasión organizarase neste último pobo, no Pavillón Polideportivo, ás 14.00 horas.
Os veciños interesados en acudir deberán pasar a recoller a invitación na Casa Consistorial en Teixeiro ou ben nas instalacións municipais do Recinto Feiral de Curtis. O prazo pecharase o 13 de maio.
Para recoller a invitación deberase presentar o carné da Terceira Idade.
Amplíase ao 6 de abril o prazo de inscrición no curso para mulleres de coidado aos dependentes
O Centro de Información ás Mulleres (CIM) do Concello de Curtis organiza un curso de administración de alimentos e tratamentos a persoas dependentes no domicilio destinado a mulleres inscritas como demandantes de emprego. O curso impartirase no Edificio Multiusos de Curtis do 11 de abril ao 10 de maio, de luns a venres, en horario de 10.00 h a 13.00 horas.
O prazo de inscrición á actividade formativa, de carácter gratuíta, amplíase ao 6 de abril. As prazas son limitadas.
A inscrición poderá realizarse no CIM, ubicado na Casa do Concello en Teixeiro (Telf. 981 789 003), ou na Oficina Municipal de Curtis (Telf. 981 777 105).
Convocatoria do pleno ordinario o 1 de abril
Convocado pleno de carácter ordinario o vindeiro venres, 1 de abril, ás 14.15 horas.
