O Concello convoca para o vindeiro 3 de agosto, mércores, unha sesión de pleno ordinario cos seguintes puntos no orde do día:

• As actividades, que se desenvolverán do 1 de agosto ao 31 de xaneiro, incluirán ximnasia nos parques biosaludables, talleres de psicoestimulación e andainas.

O Concello de Curtis organiza o Programa Curtis Saudable dirixido a adultos e ao colectivo da 3ª idade co obxectivo fundamental de animarlles a ocupar o seu tempo de lecer con actividades físicas moderadas, que melloren a súa saúde e incrementan a calidade de vida dos participantes.

As actividades, de carácter gratuítas, están indicadas especialmente para persoas con sobrepeso, diabetes, colesterol e calquera veciño/a que non queira ou non poida realizar unha actividade física intensa.

Aínda que o prazo inicial de inscrición termina o 15 de xullo, despois desa data as persoas interesadas aínda se poden apuntar nas dependencias municipais. Os horarios son orientativos, podéndose modificar en función das necesidades e demandas dos veciños/as.

O programa, que se desenvolverá desde o un de agosto de 2016 ao 31 de xaneiro de 2017, inclúe:

Ximnasia nos Parques Biosaludables:

• Luns, de 17.00 a 18.00 horas, en Curtis
• Martes, de 17.00 a 18.00 horas, en Teixeiro

Talleres de Psicoestimulación:

Neles traballaríase a ximnasia mental, memoria, relaxación, meditación xogos tradicionais e ximnasia de mantemento.

• Luns:

               - Edificio de Usos Múltiples de Curtis, de 10.45 h. A 11.45 h.
               - Centro Social da Illana, de 12.00 a 13.00 h.

• Martes:

               - Centro Etnográfico de Teixeiro, de 10.45 h. A 11.45 h.
               - Centro Social de Santaia, de 12.00 a 13.00 h.

• Mércores:

               - Centro Social de Foxado, de 10.45 h. a 11.45 h.
               - Centro Social de Paradela, de 12.a 13.00 h.

Andainas:

• Camiñar por Curtis, os xoves, de 10.30 h. a 11.30 h. Saída, diante do pavillón polideportivo.
• Camiñar por Teixeiro, os venres, de 10.30 a 11.30 h. Saída, diante da Casa do Concelllo.
• Rutas Interurbanas (datas e horarios por determinar):

              - Teixeiro- Xabriño
              - Curtis- Xabriño
              - Paradela-Santaia

O Concello de Curtis e o Centro de Transfusión de Galicia impulsan a participación dos veciños e veciñas nas campañas de doazón de sangue para garantir o labor dos hospitais galegos, que precisan 10.000 doazóns de sangue cada mes.

As épocas do ano de maior dificultade para a doazón de sangue coinciden co verán. Os enfermosingresados nos hospitais galegos seguen a precisar a solidariedade da cidadanía, e por iso, o Concello distribuirá material informativo para tratar de incrementar a participación.

As persoas maiores de 18 anos que desexen participar poden acudir a:

CURTIS. 
LUNS 18 de XULLO

• 
Unidade móbil diante da Casa da Xuventude. Desde ás 
10.00 ás 14.00 e 16.30 ás 21.00 horas

TEIXEIRO. LUNS 8 de AGOSTO

• Unidade móbil frente ao Concello. Desde ás 10.00 ás 14.00 e 16.30 ás 21.00 horas

A Organización Mundial da Saúde recomenda acadar de 40 a 60 doazóns de sangue por cada 1.000 habitantes para cubrir todas as necesidades dos hospitais. O obxectivo é incrementar a participación en Curtis para axudar a moitos enfermos que precisan da nosa solidariedade. O vindeiro mes de agosto, a unidade móbil do CTG tamén visitará Teixeiro dentro desta campaña
solidaria.

Queremos facer un agradecemento especial a todas as persoas que doan sangue. O Concello de Curtis conta con 740 doadores censados que realizaron 6.155 doazóns de sangue dende a primeira visita da unidad móbil do CTG en febreiro de 1994. Grazas a este xesto solidario, cada día os hospitais atenden unha media de 2.700 urxencias, realizan máis de 500 intervencións cirúrxicas e levan a cabo 3 transplantes de órganos e tecidos.

Neste verán, moitas persoas dependen da solidariedade dos veciños e veciñas de Curtis para recuperar a saúde ou salvar a vida.

Súmate, doa sangue.