Aviso de cortes de tráfico na AC-230 o día 7 de febreiro e na AC-231, o día 13

Con motivo da gravación dun programa sobre seguridade e educación vial para a TVG, a Garda Civil informa de dous cortes de tráfico nos vindeiros días:

• O martes, 7 de febreiro, de 8.30 ás 19.00 horas, que afectará á estrada AC-230 (Montesalgueiro-Curtis) desde o punto quilométrico 0 ata o 2,5 (no termo municipal do Concello de Aranga).
• O luns, 13 de febreiro, 8.30 ás 19.00 horas, que afectará á AC-231 desde o punto quilométrico 2 até o 4.500.

Facilitarase o paso dos autobuses escolares e das liñas regulares de viaxeiros.