As seleccións de fútbol sala Lambre-Mandeo enfréntanse ás da Mariña Lucense este venres en Curtis

Curtis-Teixeiro, 26 de decembro de 2011.-.O vindeiro venres celebraránse no pavillón municipal de Curtis dous encontros de fútbol sala entre as seleccións comarcais Lambre-Mandeo e a Mariña Lucense. Os partidos serán ás 16:30 horas a categoría, benxamín; ás 17:30 horas, alevín e ás 18:30 horas, infantil).

A seleción Lambre-Mandeo integra a xogadores dos concellos participantes na liga de fútbol sala do programa  Xogade-deporte en idade escolar, no que participan rapaces dos municipios de Aranga, Monfero, Sobrado, Vilasantar, Paderne, Irixoa, Miño, e Curtis; dos cales 10 xogadores pertencen ás escolas municipais de Curtis.