Cen mulleres recolleron esta mañá os seus diplomas por ter participado nos cursos organizados polo CIM de Curtis

Curtis-Teixeiro, 16 de marzo de 2012.- O alcalde de Curtis, Javier Caínzos, entregou esta maña os diplomas de diversos cursos destinados a mulleres realizados nos últimos meses baixo a organización do Concello de Curtis. O acto quere ser tamén unha homaxe e conmemoración do Día da Muller Traballadora, segundo indicou o alcalde.

En total participaron nestas accións formativas cen veciñas do municipio, que puideron formarse en técnicas de agricultura ecolóxica, primeiros auxilios e elaboración de conservas de productos naturais. Os cursos foron organizados por lo Centro de Información ás Mulleres do Concello de Curtis -CIM.