CHEGAN OS CAMPAMENTOS DE VERÁN E ACTIVIDADES SAUDABLES AO CONCELLO DE CURTIS.
O Concello de Curtis abre o prazo de inscrición o vindeiro luns, 7 de xuño, dos campamentos “Concilia no Verán” e de “Actividades Saudables” que se desenvolverán en Curtis e Teixeiro.
- O campamento "Concilia no Verán" desenvolverase en 4 quendas diferentes. Iniciarase o 23 de xuño e finalizará o 13 de agosto. Levarase a cabo en horario de 8:00h a 14:00h con opción de entrar ás 10:00h.
- Pola súa parte, as “Actividades Saudables” que recollen actividades como atletismo, tenis, fútbol, olimpiadas, búsquedas do tesouro... terán lugar de 10:00h a 13:00h. As actividades comezarán o día 23 de xuño e finalizarán o 30 de xullo. Os cativos/as poden inscribirse en todas as actividades ou só nas que lles interesen. O número mínimo de participantes en cada actividade debe ser de 8 e un máximo de 25.
Tanto os campamento como as actividades saudables son GRATUÍTOS (salvo as posibles excursións que se poidan realizar. Estamos pendentes das medidas sanitarias para a súa confirmación).
Os rapaces/as empadroados/as no Concello de Curtis terán prioridade.
A data límite para inscribirse nos campamentos é o 17 de xuño e a das Actividades Saudables 2 días antes de cada actividade.
Para inscribirte podes achegarte á oficina municipal de Curtis ou á Casa do Concello en Teixiero. Tamén podes descargar a folla de inscripción e rexistralo telemáticamente ou deixala nos buzóns das dúas oficinas municipais.
Como non podía ser doutro modo, aplicaránse tódolos criterios hixiénico-sanitarios que establecen os protocolos oficiais do COVID-19 e adaptaránse as actividades a realizar, en función da evolución da pandemia, tendo en conta a posibilidade de realización dalgunha saída, excursión ou actividade externa para as que se solicitará autorización expresa.
Se tes algunha dúbida chámanos ao 981 777 105 ou no 981 789 003.
Inscrición_campamento_verán_curtis.pdf
Inscricións_campamento_verán_Teixeiro.pdf
INSCRICIÓN ACTIVIDADES SAUDABLES CURTIS E TEIXEIRO