Teatro en Teixeiro este domingo 22 de outubro

Curtis-Teixeiro, 17 de outubro de 2023-. O Concello de Curtis, a través da Área de Cultura, organiza este domingo 22 de outubro a obra "As que limpan" da compañía teatral A Panadaría 

A obra terá lugar no Edificio de Usos Múltiples de Teixeiro ás 19:00 horas. 

Resumo da obra: Un cartel pendurado no manubrio da habitación. “Por favor, arranxe o cuarto”. Ao regreso da praia, as camas feitas, as toallas limpas e o baño impoluto. Son As que limpan, as invisibles que carretan ao lombo un sistema turístico precarizador. As que limpan, fala da loita organizada das camareiras de piso dos hoteis por acadar uns dereitos laborais e sociais xustos. Fronte a elas, a avaricia voraz dos propietarios das cadeas hoteleiras. Hai quen nunca limpou un váter e hai quen limpa cincocentos ao mes.