Preto de 20 persoas disfrutaron dunha xornada de marcha nórdica en Teixeiro
Dende a Área de Deportes do Concello de Curtis organizouse o pasado venres en Teixeiro unha xornada de marcha nórdica. Á actividade acudiron un total de 18 persoas quenes recibiron consellos sobre a técnica e postura por parte dos instructores da Agrupación de Montañeros Independientes
Realizaron un percorrido polo paseo fluvial do Carregal. O vindeiro 19 de abril realizarase outra xornada en Curtis ás 17:30 horas.Os interesados en acudir aínda están a tempo de inscribirse chamando ao Concello no 981 777 105 ou no 981 789 003.
A marcha nórdica trátase dunha forma de camiñar con bastóns deseñada para mellorar a saúde cardiovascular e fortalecer os músculos (entre outros beneficios).
