Iniciadas as obras de acondicionamento da senda fluvial do río Mandeo financiadas por Sogama

A Xunta de Galicia, a través da Sociedade Galega do Medio Ambiente (Sogama), aportará un total de 150.000 euros para a financiación do acondicionamento da senda fluvial do río Mandeo ao seu paso polo Concello de Curtis.

A senda contará cun total de 2.820 metros, comezando a ruta na Ponte Marzá (Brixería) e finalizando no Azud de Morangueiros que abastece ao Polígono Industrial de Teixeiro.