Solicitude para permisos de lumeirada no San Xoán 2026
O Concello de Curtis abre o prazo para recibir as solicitudes de lumes para a noite de San Xoán (a noite do 23 ao 24 de xuño).
O prazo remata o luns 22 de xuño ás 14:00 horas.
FORMULARIO DE SOLICITUDE (PREMER NESTA LIGAZÓN)
NORMAS DE PREVENCIÓN PARA ORGANIZAR AS LUMEIRADAS
- O lume non terá unha altura superior a 3 metros nin máis de 6 metros de base. Se se atopa a menos de 400 metros do monte, estas medidas reduciranse á metade: 1,5 metros de altura e 3 metros de base.
- O lume afastarase de leña apilada, liñas de tendido eléctrico, liñas de telecomunicación e calquera almacenamento de produtos inflamables polo menos 5 metros.
- Prohíbese queimar plástico ou calquera outro produto que xere fume tóxico, produtos inflamables ou envases presurizados.
- Terase preparado preto do lume unha mangueira ou auga en baldes.
- Está prohibido facer o lume enriba do solo de dominio público pavimentado, con aglomerado, ou preparado de calquera xeito que poida ser danado polo lume.
- O responsable non abandonará o lugar en canto non quede totalmente apagado o lume, e unha vez extinguido, humedecerá os restos con auga.
A comunicación de queima non eximirá en ningún caso das responsabilidades por danos ou perdas a que houbese lugar no caso de producirse un incendio polo uso do lume. Isto, cando concorra neglixencia, imprudencia ou incumprimento destas normas de prevención.
NÚMERO DE EMERXENCIAS: 112