Anímate a participar na edición especial do 20 aniversario do Certame de Narrativa do Concello de Curtis! Nesta ocasión, a temática é totalmente libre... ou case. Cóntanos o que queiras, pero constrúe a túa historia de tal xeito que a frase coa que remates o texto sexa esta: “Vinte anos, nin máis nin menos”. Queremos coñecer o resto dun relato que debe rematar así: “Vinte anos, nin máis nin menos”.

BASES DO CERTAME DE NARRATIVA CURTA DO CONCELLO DE CURTIS

1.Convócase o XX Premio de Narración Curta do Concello de Curtis “...20 anos, nin máis nin menos”, dirixido a persoas de calquera procedencia.

2.Os traballos presentados deberán estar escritos en lingua galega e deberán ser orixinais, inéditos, e non premiados en ningún outro certame.

3.Deberán enviarse escritos nun documento de texto (Word, Office... NON en PDF) e cunha extensión comprendida entre os 3000 e os 5000 caracteres (espazos incluídos).
Achegarase, na última folla do mesmo documento de texto, unha copia escaneada do DNI, enderezo, teléfono de contacto, e a categoría á que pertence.

4.Enviaranse á seguinte dirección de correo electrónico: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. antes do 20 de outubro de 2025.

5.Establécense as seguintes categorías:
CATEGORÍA A - a partir dos 12 anos
CATEGORÍA B - dos 18 anos en diante
A LOCAL e B LOCAL para participantes vinculados ao Concello de Curtis por nacemento, residencia, estudos ou relación laboral con empresas ou centros con sede física no termo municipal.

Premios:
Categoría A: 1º premio de 400 euros e 2º premio de 200 euros
Categoría A LOCAL: premio único de 400 euros
Categoría B: 1º premio de 700 euros e 2º premio de 300 euros
Categoría B LOCAL: premio único de 700 euros

6.Os premios estarán suxeitos á retención oportuna que resulte da aplicación da lei vixente en materia de rendas de persoas físicas no momento da súa concesión.

7.O xurado, que estará composto por membros de recoñecido prestixio dentro do mundo da cultura, resérvase o dereito de outorgar un premio compartido en calquera das categorías se así o considera.

8.Os traballos premiados pasan a ser propiedade do Concello de Curtis, que se reserva o dereito de publicación a través dos medios que considere oportunos e sen afán de lucro.

9.Convidarase ás persoas premiadas ao acto de entrega que terá lugar no mes de decembro e no que se agarda a súa asistencia ou a dunha persoa autorizada.

10.As persoas participantes comprométense a non empregar sistemas baseados na IA para a totalidade da escritura do relato.

11.A presentación das obras supón a aceptación e cumprimento destas bases.
Para calquera dúbida, escribir ao correo electrónico do certame: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. ou chamar ao 651046603.