Igualdade 365 é un programa dirixido ás mulleres dos concellos de Curtis e Sobrado que promove a igualdade de oportunidades, o empoderamento feminino e a inclusión social a través de actuacións especializadas de apoio e acompañamento.

O programa inclúe:

• Equinoterapia para mulleres que sofren violencia de xénero.

• Programa de recuperación integral para mulleres reclusas.

• Acompañamento xurídico para mulleres migrantes.

• Accións de empoderamento feminino, autoestima, formación e liderado.

A iniciativa busca fortalecer a autonomía persoal, mellorar o benestar das participantes e favorecer a súa plena inclusión social.

Igualdade 365 está financiado pola Xunta de Galicia, no marco de Xacobeo 2027, co cofinanciamento da Unión Europea a través dos Fondos Europeos, e coa colaboración dos Concellos de Curtis e Sobrado.

Máis igualdade, máis oportunidades, máis futuro para tod@s.

Rematado o procedemento de admisión, xa está aprobada definitivamente a relación de participantes dos Campamentos de Verán para a conciliación familiar e laboral 2026.

Todas as solicitudes presentadas puideron ser admitidas grazas á dispoñibilidade de prazas nas distintas quendas.

O Concello agradece a confianza depositada polas familias neste programa e desexa a todos os nenos e nenas un verán cheo de diversión, convivencia, aprendizaxe e novas experiencias.

DOCUMENTACIÓN RELACIONADA:

Anuncio da aprobación definitiva de prazas

Decreto da aprobación definitiva de prazas