Os alumnos e alumnas do curso de preparación das probas libres da E.S.O recolleron no salón de actos de Curtis os resultados obtidos na primeira convocatoria do ano das probas libres organizadas pola Consellería de Cultura, Educación e Ordenación Universitaria. Nun recoñecemento ao esforzo, a constancia e aos bos resultados obtidos, o alcalde fixo entrega das certificacións da E.S.O e Celga 3.

O curso organizado dende a área de orientación laboral do concello iniciarase de novo o día 15 de xullo ata o 11 de setembro de 2013 de luns a venres en horario de 20.00 a 22.00 horas e participarán veciños e veciñas do concello de Curtis, Vilasantar, Cesuras e Sobrado.

O concello celebrou o 3 de xullo o acto de entrega dos títulos do curso de operador de carretilla elevadora realizado no Polígono Industrial de Teixeiro por veciños do concello de Curtis e Vilasantar. O curso subvencionado polo concello ten como obxectivo facilitar a inserción laboral das persoas demandantes de emprego, a quenes se lles ofrece a posibilidade de mellorar a súa cualificación profesional.