Numeracion Curtis logos

A área de Cultura do Concello de Curtis lanza un club de lectura

O Concello de Curtis, a través da área de Cultura, vén de comunicar a creación dun club de lectura. O obxectivo, explican, despertar a inquietude literaria con encontros periódicos e onde a imaxinación sexa o ingrediente principal no desenvolvemento da actividade ademais de fomentar as relacións sociais.

Os interesados deben de inscribirse antes do 15 de febreiro na Casa da Concello en Teixeiro, na oficina municipal de Curtis ou chamando ao 981 789 003 ou no 981 777 105.

Sobre as idades para poder inscribirse, a concelleira de cultura, Julia Díez apuntaba esta mañá “Animo a que todos os interesados se inscriban. Unha vez rematado o prazo para anotarse valoraremos as idades do participantes e, se son dispares, intentaremos facer grupos dentro do club” aclara.

PECHADO DURANTE TODA A MAÑÁ DO MÉRCORES DÍA 7 DE FEBREIRO DE 2024 POR FORMACIÓN min

O Goberno local rexeita as 3 mocións presentadas polo BNG

Na mañá de hoxe celebrouse unha sesión plenaria extraordinaria solicitada polo BNG na que se debatiron os seguintes puntos:

1. “Incorporación nos presupostos de 2024 da creación de dúas prazas de bedeis para os colexios dos dous núcleos urbanos, CEIP de Teixeiro e CEIP de Curtis” reprobada cos votos en contra do PP e os votos a favor do BNG (a moción pode lerse ao completo a través do PDF que aparece ao final desta nota) 

Sobre esta moción o Partido Popular explicaba que dous traballadores municipais realizan diariamente as tarefas de apertura, peche, vixianza e coidado dos dous centros educativos ademais de atender ás demandas dos dous centros. Na súa intervención, engadía o alcalde do municipio que se atenderon as peticións do Consello Escolar e da ANPA coa automatización de portais e instalación de videoporteiros e que seguirán atendendo as necesidades que xurdan. 

Pola súa banda, o Bloque Nacionalista Galego reiterouse na súa moción (adxunta no PDF). Engadían no pleno de hoxe que nos concellos da contorna a figura de bedel está cuberta polos concellos. Tamén apuntaron que “todos os anos facemos esta solicitude” e expresaron o seu agradecemento ao persoal municipal que traballa nos centros educativos.

2. “Mellora da atención primaria no Concello de Curtis” foi rexeitada cos votos en contra do PP e os votos a favor do BNG (pódese ler ao completo na imaxe).

Na súa intervención, o alcalde do municipio explicou que o 26 de febreiro de 2021 se aprobou unha moción conxunta dos dous grupos políticos municipais sobre as necesidades dos centros de saúde de Teixeiro e Curtis e PAC de Teixeiro na que se solicita á Consellería de Sanidade e ao SERGAS as melloras nos centros e aumento de persoal. O alcalde engade que nese mesmo pleno a señora Fuentes, conselleira de Asambleas Abertas por aquel entonces, “manifesa o seu contento por esta moción e espera que permita arranxar os problemas” tal e como consta na acta

Infórmase das actuacións levadas a cabo pola Consellería de Sanidade nos últimos anos co incremento de recursos humanos nos centros sanitarios do municipio: 1 enfermeira (2018), 1 médico de Familia (2019), 1 matrona (compartida con Miño) en outubro do 2020, 1 nutricionista (2022), 2 enfermeiras de equipo de soporte domiciliario (2022) Ademais de equipamento electromédico, mobiliario clínico e mobiliario xeral.

Engadía o alcalde que se está a avanzar nas infraestructuras existentes coa redacción do proxecto de ampliación do centro de saúde de Curtis financiado polo concello e que agora mesmo se encontra na unidade técnica de obras da Consellería de Sanidade para a súa revisión e aprobación. Apuntaba que nesta ampliación están previstos dous consultorios máis, unha sala de espera e unha sala de reunións ademais das zonas comúns.

Pola súa banda o BNG reitera a postura mostrada na moción, fai fincapé nas esperas para conseguir cita médica, apunta que os centros do concello son dos que máis pacientes atende da área e preguntan se se contempla a ampliación do centro de saúde de Teixeiro.

3. “Mantemento dos prezos das actividades deportivas e culturais e os servizos de concilia e Ludoteca ofertados polo Concello, así como para que en vindeiros anos a suba se faga en base ao IPC” tamén foi votada en contra polo PP e cos votos a favor do BNG (pódese ler ao completo no PDF).

O alcalde explicou que dita actualización foi aprobada cos votos a favor do PP e a abstención do BNG e que durante os 30 días de exposición pública non se rexistrou ningunha alegación polo que, rematado o prazo, procedeuse á súa aprobación definitiva coa publicación no BOP o 20-12-2023. Ademais explicou que o Concello prevé aportar 236.437 euros para a realización de actividades e conciliación no 2024 entre outros datos.

Tamén o alcalde lanza a pregunta: “Dende o grupo do PP preguntámosnos qué lles pasou aos membros do grupo do BNG dende o 20 de outubro ata o 28 de decembro. O 20 de outubro din: “O señor Quintas entende que unha actualización dos prezos entra dentro do normal”.

O BNG argumenta que entenden a subida pero non a cantidade, solicitan ao alcalde que explique onde está o cambio de opinión e engaden que se está empregando a abstención para argumentar que estiveron de acordo nesta última actualización dos prezos. O alcalde sinala que ve a situación “como unha postura electoralista ante as elección do 18 de febreiro ao Parlamento Galego ademais de buscar a notoriedade a 15 días das eleccións”. 

DESCARGA AS MOCIÓNS AQUÍ: MOCIÓN_BNG.pdf

IMG 6205

En la web www.curtis.gal, www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso y nuestra política de protección de datos. Mas información.