Se estás interesado en facer unha cacharela a nivel particular ou nun local de hostalería con motivo de San Xoán debes realizar a pertinente solicitude a través da sede electrónica, na casa do Concello en Teixeiro ou na oficina municipal de Curtis.
Podes descargala aquí: LUME_SAN_XOAN_2024.pdf
Curtis-Teixeiro, 29 de maio de 2024-. A Área de Igualdade do Concello de Curtis, a través do CIM, vén de celebrar no Recinto Feiral de Curtis o taller “Muller e autocoidado”. Impartido pola fisioterapeuta e osteópata, Ana Vázquez, traballouse a importancia do suelo pélvico.
O taller englobou unha parte teórica onde se explicaron as funcións deste conxunto de músculos e ligamentos ademais de como este se ve afectado en diferentes momentos como o parto, o postparto ou a menopausia. Á súa vez tamén se racharon con estereotipos instaurados na sociedade sobre este
tema.
Xa na parte práctica realizáronse diferentes exercicios destinados ao fortalecemento do mesmo.
Dende a Área de Igualdade explicouse que este taller está enmarcado dentro das actividades que o CIM organiza para coñecer o noso corpo e co obxectivo de concienciar sobre a importancia do autocoidado tanto físico como emocional.
O mesmo taller impartirase en Teixeiro o vindeiro 6 de maio ás 16:15 horas e o 24 de xuño o taller de alimentación complementaria BLW impartido por Paula García Otero.
