Numeracion Curtis logos

O Concello de Curtis celebra unha sesión ordinaria da Mesa Local de Coordinación Interinstitucional fronte a Violencia de Xénero e marca a liña estratéxica do V PIOM

Na mañá de hoxe celebrouse no Recinto Feiral de Curtis unha sesión ordinaria da Mesa Local de Coordinación Interinstitucional fronte á violencia de xénero do Concello de Curtis.
 
Coa celebración destas mesas búscase potenciar de forma activa a coordinación entre todos os axentes implicados na loita contra a violencia de xénero para adaptar mellor os recursos e procedementos ás necesidades das víctimas e incrementar o nivel de percepción de seguridade e cercanía por parte das institucións e organismos.
 
O acto foi presidido polo alcalde do Concello de Curtis, Javier Caínzos; o Delegado da Xunta de Galicia en funcións na provincia da Coruña, Severino Álvarez; a Titular do Xulgado de violencia de Xénero contra a Muller, Ana Rodríguez; a Xefa da Unidade contra a Violencia sobre a Muller na Subdelegación do Goberno na Coruña e a Concelleira de Igualdade do Concello de Curtis, Eva Lata.
 
Ao acto tamén asistiron o alcalde de Vilasantar, o alcalde de Sobrado e técnica do municipio; o Director do Centro Penitenciario, o Sarxento da Garda Civil do posto de comandancia de Curtis, representantes do equipo VioGen Santiago, representante do Xulgado de Paz do Concello de Curtis, directores dos tres centros educativos do concello, representantes dos departamentos dos Servizos Sociais do Concello e persoal do CIM.
 
En concreto, a reunión tivo como orde do día abordar a exposición de pautas de actuación do Xulgado de Violencia sobre a Muller e a actuación respecto á víctimas pola xuíza experta en violencia de xénero, Ana Rodríguez.
 
Tamén se realizou unha explicación do funcionamento de recursos específicos do CIM que ofrece nos en todas as súas áreas de afección no referente ás Terapias asistidas con equinos por Laura Gándaras e finalmente abordáronse as liñas estratéxicas do que será o V Plan de Igualdade Municipal de Oportunidades entre mulleres e homes do Concello de Curtis (PIOM).

O Delegado da Xunta de Galicia en funcions na provincia da Coruña, Severino Álvarez apuntou esta mañá que: “Estas mesas son o testumuño da colaboración e da trasversalidade de todos os axentes sociais que pelexamos contra esta lacra social. A aposta da Xunta de Galicia é unha aposta decidida e determinante. O noso compromiso é que a rede contra a violencia de xénero cada día impere en máis concellos e que cada día haxa máis mesas coma estas”.

A MESA
A Mesa de Coordinación Interinstitucional do Concello de Curtis naceu co fin de
optimizar as accións en materia de prevención, sensibilización e mellora na
atención ás víctimas. Integra a todos os axentes implicados nos ámbitos da muller, servizos sociais, educativo, sanitario, xudicial e forzas de seguridade.
Entre as funcións da Mesa destaca o análisis da incidencia da violencia de xénero na comarca, determinar os criterios para a detección precoz dos casos de violencia machista, o seguemento dos casos de alto risco, definir os mecanismos máis eficientes de actuación e a posta en marcha de estratexia de sensibilización dirixidas a toda a poboación e a sectores específicos.

417549419 809371331235293 5690407013420624918 n

417523947 809371344568625 268280647532503049 n

 

INAUGURACIÓN CASA-MUSEO MARÍA ANTONIA DANS

Curtis, 13 de marzo de 2024-. No día de hoxe inaugurouse a primeira casa-museo en Galicia dunha pintora galega, trátase da nosa veciña María Antonia Dans.

O acto foi presidido polo Presidente da Xunta de Galicia, Alfonso Rueda e o alcalde do Concello de Curtis, Javier Caínzos. Ao evento tamén asistiron o conselleiro de Cultura, Educación, Formación Profesional e Universidades, Román Rodríguez; o Secretario Xeral de Cultura, Anxo Lorenzo; o Presidente da Reserva da Biosfera Mariñas Coruñesas e Terras do Mandeo, José Antonio Santiso, o Deputado de Réxime Interior da Deputación da Coruña, José Ramón Rioboo; Delegado da Xunta de Galicia na Coruña, Severino Álvarez; membros do equipo de goberno e da corporación municipal; membros da familias entre os que se encontraban varios sobriños de María Antonia; representantes das Asociacións do Concello e veciños.

A inversión para a compra da parcela urbana (vivenda, estudo e almacén) foi de 53.000 euros. E os custos de rehabilitación foron dun total de 487.160,75 euros dos cales a Xunta fixo unha aportación de 247.171,33 euros; o Concello de Curtis 219.010,16 euros e a Deputación de A Coruña 54.286,82 euros.

No acto o presidente da Xunta puxo á pintora como exemplo ao representar unha das creadoras máis singulares da historia recente de Galicia. “Polo que supón no panorama artístico en Galicia, por toda a súa obra pictórica, por todo o que representou... Dans manda, como fan os grandes artistas, mensaxes a través da súa obra”, indicou.

Pola súa parte o alcalde destacou “María Antonia Dans é unha das nosas grandes artistas, a súa obra é universal e merece un recoñecemento especial de Galicia e por suposto do Concello de Curtis, onde pasou longas etapas da súa vida. Coincidindo co centenario do seu nacemento 1922-2022 iniciamos un proxecto no que se implicaron 3 administracións, Xunta de Galicia, Deputación da Coruña e Concello de Curtis para facer realidade a primeira casa-museo dunha pintora galega”.

Rioboo subliñou que "a súa traxectoria e o seu amor por unha Galicia omnipresente na súa obra merecen un espazo como este: rehabilitado, pensado e minuciosamente deseñado para gozar en plenitude da súa obra. O lugar onde todo empezou, onde forxou a súa vocación e o seu gran talento artístico"

417532633 808678891304537 2879794850100889694 n

417544964 808678964637863 4226927211734935264 n

420201478 808679704637789 4610671758667060330 n

418151035 808679297971163 1168293181584081384 n

417524440 808679527971140 9072460967398338195 n

418985498 808679141304512 5937319119856968685 n

 

 

En la web www.curtis.gal, www.curtis.es y www.concellodecurtis.org utilizamos cookies propias y de terceros. Si continúa navegando, consideramos que acepta su uso y nuestra política de protección de datos. Mas información.