A Consellería do Medio Rural e o Concello de Curtis asinaron un convenio de colaboración para desenvolver accións de prevención e defensa contra os incendios forestais durante os anos 2025 e 2026. O acordo está cofinanciado polo Fondo Europeo Agrícola de Desenvolvemento Rural (FEADER), no marco do Plan Estratéxico da PAC 2023-2027.
Os obxectivos das actuacións son reforzar a prevención e loita contra os incendios forestais no municipio de Curtis e optimizar os recursos públicos mediante a cooperación entre administración autonómica e local. Ademais, impulsarase seguridade ambiental, á conservación do monte e ao desenvolvemento sostible do medio rural.
Os traballos iniciáronse no mes de xuño e rematarán no mes de setembro. Consisten na realización de tratamentos preventivos mecanizados nunha superficie de 63,61 hectáreas do termo municipal.
O importe máximo da axuda é de 22.263,50 € en cada anualidade, dos cales o 80% finánciase con cargo ao FEADER, o 16 % con cargo á Administración Xeral do Estado e o 4% da Xunta de Galicia.
Con este convenio, Curtis reforza o seu compromiso coa defensa do monte e coa protección do territorio fronte aos incendios forestais, consolidando unha colaboración que mellorará a eficacia das medidas de prevención nos próximos dous anos.

Xa está aberto o prazo de inscrición nas Actividades Municipais 2025-26 do Concello de Curtis, podes acceder ao tríptico aquí