Aberto o prazo ata o 26 de xuño para inscribirse nos cursos de natación, aquagym e pádel

A área de Deportes e Xuventude do Concello de Curtis abre o prazo, ata o día 26 de xuño, para a inscrición nos cursos de natación e aquagym nas piscinas municipais, así como os de pádel, que se impartirán durante os meses de xullo e agosto.

Tras as inscricións, será o día 1 de xullo, ás 12.00 horas, cando se distribúan os grupos e os horarios para as actividades nunha reunión nas piscinas municipais.

A inscrición, obrigatoria e que esixirá cubrir a ficha oficial, pódese realizar xa na Casa do Concello, en Teixeiro, ou nas dependencias municipais no recinto da Feira Comarcal de Curtis.

O prezo será de 12,41 euros mes por actividade.

A idade mínima para participar nos cursos de natación será os nados en 2013, e para pádel, os nados en 2010. Os/as alumnos/as de aquagym deben ser maiores de idade,