POLÍGONO AGROFORESTAL SANTAIA FOXADO PROMOVIDO POLA CONSELLERÍA DE MEDIO RURAL A TRAVÉS DE AGADER
A Consellería do Medio Rural iniciou a exposición pública do mapa de ordenación de usos agropecuarios e forestais do polígono agroforestal de Curtis (Santaia-Foxado) no mes de marzo. Os propietarios puideron presentar as propostas ou alegacións que estimaron conveniente ata o 15 de xuño.
Previamente o 22 de febreiro deste 2023 a directora xeral da Axencia Galega de Desenvolvemento Rural, Inés Santé, acompañada do alcalde de Curtis, Javier Francisco Caínzos, mantivo unha reunión informativa con veciños implicados no polígono agroforestal. Deste xeito, os habitantes das parroquias de Santa Eulalia e Santa María de Foxado puideron coñecer o procedemento que esixe un polígono agroforestal e a súa ordenación de usos así como do Catálogo parcial de solos agropecuarios e forestais.
Xa en novembro de 2022 a directora xeral da Axencia Galega de Desenvolvemento Rural, Inés Santé acompañada por Alfredo Fernández, Subdirector de Mobilidade de Terras, o alcalde do Concello de Curtis e tres técnico de AGADER, reuníronse cos gandeiros de Curtis para falar do polígono agroforestal da localidade onde recolleron as opinións e preferencias dos gandeiros ao respecto da planificación e ordenación dos usos agroforestais.
Información sobre o polígono:
Este polígono, que se proxecta nunha superficie dunhas 3.400 hectáreas divididas en case 6.200 parcelas, permitirá levar a cabo unha ordenación dos usos agrogandeiros e forestais, así como mellorar a estrutura territorial mediante unha reestruturación da propiedade e a identificación das necesidades de agricultores, gandeiros e silvicultores. Cómpre lembrar que os polígonos agroforestais son un dos instrumentos de mobilización que pon a disposición a Lei de recuperación da terra agraria de Galicia.
RECURSOS:
Información do polígono agroforestal na páxina web de AGADER onde podes consultar, entre outros, o acordo de inicio e o mapa de ordenación de usos agroforestais: polígono agroforestal
PRENSA:
- La Voz de Galicia (2020): Curtis impulsa el primer polígono agroforestal de Galicia para el pastoreo
- La Voz de Galicia (2020): Incentivar el pastoreo, objetivo del primer polígono agroforestal de Galicia
- Campo Galego (2020): Gran interés de los ganaderos en el polígono agroforestal de 3200 hectáreas que la Xunta está creando en Curtis
- Ideal Gallego (2020): Más de 20 ganaderos se interesan en el polígono agroforestal de Curtisr
- Revista Friga (2022): La Xunta y el ayuntamiento de Curtis avanzan en la implementación del polígono agroforestal de la localidad
- COPE (2022): A Xunta e o Concello de Curtis avanzan na implementación do polígono agroforestal da localidade
- Xunta de Galicia (2023): La Xunta inicia la exposición pública del mapa de ordenación de usos del polígono agroforestal de Santaia-Foxado en Curtis, que reordenará unas 3.400 hectáreas de superficie
- Opinión Coruña: (2023): La Xunta someterá en breve a consulta el plan del polígono agroforestal de Curtis
- La Voz de Galicia (2023): A exposición pública el mapa de usos del polígono agroforestal de Curtis
