Aberto o prazo para solicitar praza na Escola Infantil de Curtis

Dende hoxe, 21 de Febreiro, ata ó 21 de Marzo está aberto o prazo de reserva de praza para o curso 2013/2014 na escola infantil de Curtis.

Os requisitos imprescindibles para ser adxudicatario/a de praza na escola infantil son:

– Que a/o nena/o teña a súa residencia en Galicia e xa nacese no momento de presentación da solicitude.

– Ter unha idade mínima de tres meses na data de ingreso

– Non ter cumpridos os 3 anos de idade o 31 de decembro de 2013

Así mesmo, aqueles que xa están matriculados na Escola para o curso 2012-2013, teñen o mesmo prazo para a realización da reserva de praza do curso 2013-2014.

Para máis información, acudan ó 2º andar da Casa do Concello en Teixeiro ou na Oficina Municipal en Curtis, ou nos teléfonos 981 78 90 03 e 981 77 71 05